San Ignazioren atea (Leintz Gatzaga)

1331. urtean, Alfontso XI.ak Leintz-Gatzagari hirigutuna eman zionean, orduko arauei jarraituz, hiribildua arresi batez inguratuta zegoen. Hiribilduak bost sarrera zituen eta gaur egun haietako lau mantentzen dira.

Errege-Bideak Leintz-Gatzaga zeharkatzen zuen mendebaldetik ekialdera. Garai bateko bidearen mutur batean aurkitzen dugu gaur egun hiribilduko sarrera nagusia zen San Ignazioren atea. Alde bakoitzean armarri bana duen arku karpanela da; hiribilduaren kanpoaldean dagoena, Gaztela-Leongo armarria, apur bat lakarra, eta honen gainean manposteriaz eginiko apaindura. Moldurazio mixtilineoa eta floroia ditu apaindura honek. Hiribilduaren barnealdean, berriz, armarriaren ordez kristalezko kutxatxo bat dago, barruan santuaren irudia duela.

Arkua eta bere apaindurak 1760. urte ingurukoak dira. Aurretik zegoena, Madril-Irun Auto Errege-bidea egiteko bota behar izan zuten.

FaLang translation system by Faboba

Dorretxe eta jauregi artean

Urola garaia

Urola Erdia

Debagoiena

We use cookies to improve our website and your experience when using it. Cookies used for the essential operation of the site have already been set. To find out more about the cookies we use and how to delete them, see our Privacy Policy.

I accept cookies from this site