Arrikrutz kobak. (Oñati)

Oñatin, Arantzazu eta Araotz auzoetan, Aizkorriko mendiguneko Gesaltza-Arrikrutzeko sistema
karstikoan dago.

Goi-Jurasiko/Behe-Kretazeo garaietan (duela 154 eta 96 miloi urte bitartean) kareharri eta dolomitetan garatutako haitzuloa. Sistemak elkar konektaturiko 14 kilometroko galeriak ditu eta 6 pisu gainezarri ditu.

53. galerian zehar doa bisita, ekialdeko sektorean, galeria fosila dena eta garai batean Aldaolako isurbide. Sekzio handiko galeriak azaltzen dira estalagmita konkrezio interesgarriak dituztenak. 390 metroko luzera duen galeria hau aldapan behera doa 55 metro, bataz besteko 9 graduko maldan.

Kobako ibilbide honetan zehar landuko diren gaiak:

• Ura eta hidrologia haitzuloaren eskultore gisa.
• Kobaren formazio geologikoa eta honen aberastasunaren balorazioa; lurpeko erreka, estalaktita handiko galeria.
• Unibertso mineralaren sorrera.
• Aurkikuntza arkeologiko eta paleontologikoak (haitzulotako lehoiaren eskeleto osoa, eskeleto partzialak eta pantera garezurrak...)

Aldez aurretik txanda hartzea gomendatzen da.

Tel.: 943 08 20 00 / 943 78 34 53

Ordutegia:

Asteartetik igandera zabalik.

Martxoa-maiatza eta urria:10:00-14:00 / 15:00-18:00

Uztailetik irailera: 10:00-14:00 / 15:00-19:00

Azaroa- otsaila: 10:00-14:00/ 15:00-17:00

*zubiak, aste santuak eta jaiegunak, ekaina-iraila ordutegia.